Bin Laden necə öldürülüb?

Məşhur amerikalı jurnalist Seymur Herş ABŞ-ın "əl-Qaidə" lideri Usame Bin Ladenin öldürülməsilə bağlı cəmiyyəti səhv məlumatlandırdığını iddia edib.

Jurnalist "əl-Qaidə" liderinin 2011-ci ildə öldürüldüyü zaman fərari olmadığı deyib. O bildirib ki, Bin Laden 2006-ci ildən bəri Pakistan kəşfiyyat xidməti tərəfindən əsiri kimi saxlanılıb.

Amerikalı jurnalistə bu informasiyaları adını açıqlamayan yüksək vəzifəli ABŞ kəşfiyyat səlahiyyətlisi verib. İddialara görə, Pakistanın kəşfiyyat nümayəndələrindən biri 25 milyon dollar müqabilində Bin Ladenin yerini ABŞ-a bildirib.

Herş başından vurulan "əl-Qaidə" liderinin bədənindən bəzi parçaların bir torbaya qoyulduğunu və Əfqanıstanın Cəlalabad şəhərinə gedən bir vertolyotdan Hinduquş dağlarına atıldığını deyib. "əl-Qaidə" lideri Usamə Bin Laden ABŞ xüsusi qüvvələrinin 2 may 2011-ci il tarixində Pakistanaa təşkil etdiyi bir əməliyyatda öldürülüb. Jurnalist təşkilat liderinin islami qaydalara uyğun olaraq dəfn edildiyi iddiasının yalan olduğunu bildirib.

Herş yazısında Bin Ladenin öldürülməsinin Obamanın ilk prezidentlik dövründəki ən böyük müvəffəqiyyəti olduğunu qeyd edib. O bildirib ki, Obamanın bu uğuru daha bir dövr daha prezident seçilməsində mühüm rol oynayıb. (anspress)

Ölkə.Az