Bi Bi Kinq dünyasını dəyişdi

Blüzun kralı ABŞ-da vəfat edib.

Ölkə.Az xarici mətbuata istinadən xəbər verir ki, bütün dövrlərin ən yaxşı qitaraçısı adının daşıyıcısı Bi Bi Kinq 90 yaşına bir neçə ay qalmış Las Veqasda vəfat edib.

Bi Bi Kinq (əsl adı Rayli Bi Kinq) 16 sentyabr 1925-ci ildə ABŞ-da dünyaya gəlib. Onun hesabında 15 "Qremmi" mükafatı var. Onun vida qastrol turu 2006-cı ildə keçirilib, lakin musiqiçi "Heç vaxt "heç vaxt" demə" fikrini irəli tutaraq səhnəyə qayıdıb. 2014-cü ilin oktyabrında Kinq tibbi göstəricilərə görə konsert fəaliyyətini dayandırıb.

Bir neçə ay öncə musiqiçi şəkər xəstəliyinin kəskinləşməsi səbəbiylə xəstəxanaya yerləşdirilib. Əfsanəvi Kinq 20 ildir ki, bu xəstəlikdən əziyyət çəkirmiş.

Onun qızı Patti Kinq polisə müraciət edərək atasının meneceri Lavern Tonini xəstəxanaya yerləşdirməyə mane olmaqda ittiham edib. Müğənni xəstəxanaya yerləşdirilsə də, yenidən evə qayıdıb. Ötən ilin noyabrında Patti Tonini atası üzərində zorakılıq etməkdə və 20-30 milyon dollar dəyərində qiymətli əşyaları mənimsəməkdə günahlandırıb. Polis təhqiqatlara başlayıb, lakin menecerə qarşı heç bir ittiham irəli sürülməyib. Sonradan məhkəmə artistin qızının iddiasına baxmaqdan imtina edib.