Məhkəmə müsəlman qadını Yeni ili qeyd etməmək çağırışına görə cəzalandırdı

Pervouralsk sakininə 120 saat icbari iş cəzası verildi. O, sosial şəbəkələrdə Yeni ili, eləcə də bütün qeyri-müsəlman bayramlarını qeyd etməməyə çağırırdı.

23 yaşlı Elvira Sultanəhmədova məhkəmə tərəfindən dini zəmində düşmənçilik yaratmaqda təqsirli bilinib, bu barədə RİA Novosti-yə onun vəkili Roman Koçanov danışıb.

İttiham edilən şəxs günahını etiraf etməyib. Sultanəhmədovanın vəkili qərardan şikayət etmək niyyətindədir. Vəkillər iddia edirlər ki, yazı onun iş kompüterindən kimliyi müəyyən edilməyən şəxs tərəfindən paylaşılıb.

İstintaqın versiyasına görə, o, 2013-cü ilin dekabr ayında “Vkontakte” sosial şəbəkəsində Yeni il və ümumiyyətlə, qeyri-müsəlman bayramlarını qeyd etməyin islama zidd olduğunu bildirən yazı yerləşdirib. Sultanəhmədovanın fikrincə, Yeni il münasibətilə təbriklər günahdır, şam ağacı ətrafında fırlanmaq isə onun aləmində qəbir ətrafında fırlanmağa bərabərdir, bu isə islama ziddir.oxu.az

Ölkə.Az