Ermənistanda 141 seçki pozuntusu faktı qeydə alınıb
Ermənistan polisi növbədənkənar seçkilərdə 141 pozuntu faktı qeydə alıb.
"Ölkə.Az" yerli mediaya istinadən xəbər verir ki, bu barədə Ermənistan polis rəisinin müavini Ara Fidanyan məlumat verib. Onun sözlərinə görə, seçki pozuntularından 47-də cinayət əlamətləri var. Onlardan üçü İrəvanda, qalanları bölgələrdə qeydə alınıb. Seçki pozuntuları əsasən iradənin sərbəst ifadə edilməsinə mane olmaq, məntəqədəki zorakılıq, səsvermə sirrinin pozulması, seçicilərin rüşvət alması, təkrar səsvermə, başqalarına səs vermək və s. faktları ilə bağlı olub.
Qaynar xətt vasitəsilə isə 87 fakt qeydə alınıb u200bu200bvə xüsusilə seçicilərə təzyiq, rüşvət, seçki məntəqələrindəki texniki problemlərlə bağlı şikayətlər çatdırılıb.
