Fransa XİN: "Maydandakı etirazçıları rus kəşfiyyatının agentləri güllələyib"

Rusiya ilə Qərbin arasındakı siyasi gərginlik Fransa XİN-nin yaydığı bir bəyanatla daha da artıb.

Ölkə.az Fransanın rəsmi informasiya mənbələrinə istinadən xəbər verir ki, ölkənin xarici siyasət idarəsinin Avropa qitə departamentinin direktoru Erik Furnye keçən il Kiyev Maydanında etirazçıları güllələyənlərin arasında çox sayda Rusiya kəşfiyyatının agentlərinin olfuğunu bildirib.

Bu yaxınlarda Fransada Maydan haqqında çəkilən sənədli filmdə danışan Furnye ətrafdakı binaların damından kütləyə snayperlərdən atəş açanların Rusiya kəşfiyyat orqanlarının agentləri olduğunu vurğulayıb.

Ekspertlərin fikrincə Rusiyanın ünvanına Fransanın belə yüksək çinli məmurunun bu cür ittihamlar səsləndirməsi, yeni diplomatik qalmaqalın başlayacağından xəbər verir.

Ölkə.az