Putin Kurili yaponlara verir?

Yaponiya Kuril adaları ilə bağlı müzakirə aparmaq üçün Rusiya prezidenti Vladimir Putinin səfərini gözləyir.

Bunu Yaponiyada hakimiyyətdə olan Liberal-Demokrat Partiyasının sədr müavini, keçmiş xarici işlər naziri Masaxiko Komura Rusiya Dövlət Dumasının sədri Serqey Narışkin ilə görüşdə bildirib.

O deyib ki, biz bu siyasi mövzuya keçməzdən əvvəl ərazi problemini həll edib sülh müqaviləsini bağlamaq istəyərdik. Ona görə, çox istəyirik ki, prezident Putin Yaponiyaya gəlsin. Baş nazir Sindzo Abe bu məsələ üzərində ciddi düşünür.

Rusiya dəfələrlə bildirib ki, Tokio ilə Yapon parlamenti tərəfindən 1956-cı ildə təsdiqlənmiş sənəd əsasında danışıqlar aparmağa hazırdır. Rusiya Federasiyasının mövqeyinə əsasən, Cənub Kuril İkinci Dünya müharibəsinin nəticəsinə görə SSRİ-nin bir hissəsi oldu və beynəlxalq səviyyədə hüquqi cəhətdən rəsmiləşdirilib.

Ölkə.Az