Konçita erməni bayrağını özünə yaraşdırmadı

Erməni bayrağı Konçitanın çiynində.

Ölkə.Az xəbər verir ki, bu il "Eurovision"da Ermənistanı təmsil edən "Genealogy" qrupunun üzvləri müsahibə verən zaman öz bayraqlarını Avstriyanı keçən il qalib edən Konçita Vurstun çiyninə salaraq ona hədiyyə ediblər.

Konçitanın reaksiyası erməni ictimaiyyətini məyus edib. Belə ki, o, erməni təmsilçilərin "bu bayraq sənə yaraşır" sözlərinə təşəkkür edərək qarşılıq verib və bayrağa baxaraq onu çiyinlərindən çıxarıb.

"Bu kadrlardan məlum olur ki, Konçitanın erməni bayrağına azacıq da olsa marağı yoxdur və o, sakitcə bayrağı mühafizəyə verir", - deyə erməni mətbuatında yazıblar.

Xatırladaq ki, ötən il Ermənistan mətbuatı K.Vurstun əslən erməni olduğunu iddia etmişdi.

"Eurovision-2015" mahnı müsabiqəsində Elnur Hüseynov ölkəmizi “Hour Of The Wolf” mahnısı ilə təmsil edir. Bu gün Elnur ikinci yarımfinal mərhələsində səhnəyə çıxacaq.

Konçita ilə bağlı olayın videosunu sizə təqdim edirik:

Rəşid Mustafazadə

Ölkə.Az