Eks-prezidentin ölüm xəbəri yayıldı

Ölkə.az türk mediasına istinadən xəbər verir ki, keçən həftə ağır vəziyyətdə xəstəxanaya çatdırılan keçmiş prezidentin ölüm xəbəri yayılıb.

Məlumatı dəqiqləşdirmək üçün Süleyman Dəmirəlin qaldığı xəstəxanaya axışan jurnalistlərə onun həkimi Aylin Cəsur açıqlama verib.

Həkimin sözlərinə görə, Dəmirəlin ölüm xəbəri həqiqətə uyğun deyil, amma vəziyyəti də həmişəki kimidir. Həkim onun səhhətində dəyişikliyin olmadığını, hələ bir müddət də xəstəxanada qalacağını bildirib.

Xatırladırıq ki, Süleyman Dəmirəl ömrünün böyük bir hissəsini türk siyasətinə həsr etmiş bir şəxsdir. O, müxtəlif dövlət vəzifələrində çalışmış, uzun illər Türkiyənin baş naziri və sonda da prezidenti olmuşdur. Dəmirəl sayca Türkiyənin 9-cu prezidentidir.

Ölkə.az