Çində daşqın 57 can aldı
Çinin cənubunda leysan yağışın səbəb olduğu daşqınlar nəticəsində ölənlərin sayı 57-yə çatıb. 6 nəfər isə itkin düşüb.
Ölənlərdən 16-sı Quyçou əyalətində binanın uçması nəticəsində həlak olanlardır. Bir başqa əyalətdə isə leysan yağış səbəbindən uşaqlarla dolu avtobus qəzaya uğrayıb, nəticədə 21 uşaq xəsarət alıb.
Daşqınlar nəticəsində 2500-ə yaxın ev dağılıb, ümumilikdə 250 minə yaxın sakin zərər çəkib.
Bölgəyə dəymiş maddi ziyanın həcmi isə 337 milyon dollar təşkil edir.
Ölkə.Az