Anomal istidən 230-dan çox adam öldü

Hindistanın şimal, cənub və şərq hissələrinin əhalisi anomal istilərdən əziyyət çəkir.

Andxra Pradeş və Telanqana ştatlarında anomal isti 150-dən çox insanın ölümünə səbəb olub. Bununla da, son 5 həftə ərzində istidən ölənlərin sayı 230-u ötüb. Ölənlərin əksəriyyətinin yaşayış yeri olmayan şəxslərin olduğu bildirilir. 

Kəlküttə və Kanpur kimi iri şəhərlərin sakinləri də havanın temperaturunun kəskin artmasından əziyyət çəkirlər. Burada hərarət 40 dərəcə Selsini ötüb. Meteoroloqlar havanın temperaturunun yaxın günlərdə artacağını proqnozlaşdırırlar. Yerli hakimiyyət qurumları əhaliyə evlərini tərk etməməyi tövsiyə edir. 

Hindistanın əksər bölgələrində may ayı ilin ən isti ayı hesab olunur və bu zaman havanın temperaturu 40 dərəcədən yuxarı olur.

Ölkə.Az