Sərnişin avtobusu evə çırpıldı: 19 ölü - FOTOLAR

Meksikanın Cokisinqo şəhərində əyləci tutmayan sərnişin avtobusu evə çırpılıb.

Ölkə.Az xəbər verir ki, qəza nəticəsində avtobusun sürücüsü də daxil olmaqla 19 nəfər həyatını itirib, 32 nəfər yaralanıb.

Qəzadan sonra əyalət fövqəladə hallar qrupları və Qırmızı Xaç qrupları hadisə yerinə gəlib. Yaralılar təcili yardım maşınları ilə ətraf xəstəxanalara aparılıb.

Meksika əyalətinin Baş Prokurorluğu bildirib ki, qurbanların kimliyi hələ müəyyən edilməyib.

Qəzaya uğrayan avtobusun sərnişinlərinin Miçoakan əyalətindən xristianların ziyarətgahı olan Meksika əyalətindəki Çalma kilsəsinə getdijləri bildirilib.

Billurə