Türkiyədə koalisiya hökuməti yaradılır
Türkiyədə koalisiya hökumətinin yaradılması ilə bağlı razılıq əldə olundu.
Ölkə.Az türk mətbuatına istinadən xəbər verir ki, Türkiyənin Hakim Ədalət və İnkişaf Partiyası (AKP) və müxalif Milliyətçi Hərəkat Partiyası (MHP) koalisiya hökumətinin yaradılması ilə bağlı razılığa gəliblər.
MHP bir neçə şərtin müqabilində AKP-nin kürd probleminin demokratik yolla həll olunması ilə bağlı planını qəbul edib. Şərtlərdən biri isə İslam Əməkdaşlıq Təşkilatının keçmiş rəhbəri Ekmələddin İhsanoğlunun ölkənin xarici işlər naziri vəzifəsinə keçməsidir. Əldə edilmiş razılığa əsasən, parlament spikeri də Milliyətçi Hərəkat Partiyasından olan millət vəkili olacaq. Türkiyənin sabiq Daxili İşlər naziri Murat Başeşqioğlu daxili işlər naziri, Türkiyə Mərkəzi Bankının sabiq rəhbəri Durmuş Yılmaz isə Türkiyə Maliyyə naziri vəzifəsini tutacaq. Onların hər ikisi hal-hazırda MHP deputatıdır.
Xatırladaq ki, Türkiyədə keçirilən parlament seçkilərində hakim Ədalət və İnkişaf Partiyası (AKP) 42,6, CHP 24,9, MHP 16,9, HDP isə 11,3 faiz səs almışdı.
Rəşid Mustafazadə
Ölkə.Az