Yunanıstan ağır şərtləri qəbul etdi
Bütün şərtləri qəbul edib.
Ölkə.Az xəbər verir ki, Yunanıstan hökuməti beynəlxalq kreditorların şərtlərini qəbul etməyə razılaşıb.
Bu barərə "Financial Times" qəzeti ölkənin baş naziri Aleksis Çiprasın dünən Avropa Komissiyası, Beynəlxalq Valyuta Fondu və Avropa Mərkəzi Bankının sədrlərinə göndərdiyi məktubuna istinadla yazır.
Çipras ötən həftə təklif edilən şərtlərlə razılaşmağı qərara alıb. Yunanıstan baş naziri məktubda 29,1 milyard avro həcmində maliyyə yardımı proqramını uzatmağı xahiş edir. Çipras sərt iqtisadiyyat islahatları da daxil olmaqla, bütün şərtləri qəbul edib.
Çiprasın təkid etdiyi yeganə istisna isə yunan adalarına 30%-lik vergi güzəştlərinin tətbiq olunmasıdır. Bundan əlavə, nazir təqaüd yaşının 67-ə qaldırılmasına da razılaşsa da, bu prosesin 2022-ci ilin oktyabrına bitirilməsini arzu edib.
Rəşid Mustafazadə
Ölkə.Az