Blinken və Stoltenberq NATO-nun müdafiə potensialını müzakirə ediblər

ABŞ dövlət katibi Entoni Blinken və NATO-nun baş katibi Yens Stoltenberq Ukraynaya yardım və Şimali Atlantika Alyansının müdafiə qabiliyyətinin qorunmasını, eləcə də onun strateji konsepsiyasını müzakirə ediblər. "Ölkə.az" xəbər verir ki, bu barədə ABŞ Dövlət Departamentinin mətbuat xidmətinin rəhbəri Ned Prays məlumat yayıb.

Blinken və Stoltenberq 14-15 may tarixlərində Berlində NATO ölkələrinin xarici siyasət idarələri rəhbərlərinin görüşü” haqda danışıblar. Onlar Rusiyanın Ukraynaya müdaxiləsini tənqid edərək, Ukrayna xalqına və ölkənin ərazi bütövlüyünə dəstəklərini təkrar ifadə ediblər.

Bundan başqa, Blinken və Stoltenberq NATO-nun güclü çəkindirici və müdafiə qabiliyyətinin qorunmasının vacibliyini qeyd ediblər. Onlar iyunun 28-30-da Madriddə keçiriləcək NATO sammitinə hazırlıq məsələlərini, o cümlədən növbəti on il ərzində alyansı istiqamətləndirəcək yeni NATO strateji konsepsiyasını müzakirə ediblər.

Elvin

Ölkə.az