Ukraynalı hərbçilərin həyat yoldaşları və analarından Ərdoğana müraciət

Putini razı sala biləcək yeganə güc

“Ölkə.Az” Ukraynanın Mariupol şəhərində qapalı qalan əsgərlərin həyat yoldaşları və anaları ikinci dəfə Türkiyə prezidenti Ərdoğana dəstək çağırışı ediblər. Ukraynalı qadınlar Ərdoğandan Putini müharibəni dayandırmağa inandırmağa çağırıblar.

Bunu Türkiyəyə sığınan ukraynalı qadınıar keçirdikləri mətbuat konfransında səsləndirib.
“Azovstal”dakı  hərbçilərdən birinin  anası Nataliya Kravtsova  “Azovstal”dakı hərbçilərin təxliyyə olunmaısna toxunaraq deyib ki, onlar cəhənnəmdən cəhənnəmə gedirlər. “Türkiyə bu prosesin təminatçısı kimi üzərinə düşən vəzifəni yerinə yetirəcək və onların sağ qalması üçün əlindən gələni edəcək və tədbrilər görəcək. Rusiya onları hara yerləşdirirsə belə Türkiyənin bir müşahidəçi kimi onları izləməsini istəyirəm və bunu rica edirəm”- o qeyd edib.

Nataliya Zaritska isə deyib ki, Türkiyə prezidenti Rəcəb Tayyib Ərdoğan beynəlxalq əhəmiyyətli liderdir: “Biz onu Putinlə danışa bilən yeganə güc kimi təsvir edirik. Biz ona müraciət edərək, “Azovstal”dakı döyüşçülərimizi dəstəkləyəcək adam olduğunu düşünürük. Dünyanın ən güclü liderlərinə, ağıllı və təcrübəli siyasətçisinə müraciət etməyimizin faydalı olacağına əminik”.
Ukryanalı qadınlar prezident Ərdoğana məktub göndərmək istədiklərini də bildiriblər.

Mürtəza
Ölkə.Az