Oğlunun meyitini efirdə görən lider
Dünya tarixində bir çox liderlər iz qoyaraq əbədiyyətə qovuşa biliblər. Sirr deyil ki, onların bəziləri hakimiyyətə hədsiz bağlı olmaları ilə seçiliblər. O qədər seçiliblər ki, hətta övladlarını belə taxt-taca qısqanaraq qətlə yetirməyə hazır olublar.
Sizə haqqında bəhs edəcəyimiz insan da dolayısı ilə öz mübarizə yolunda oğlunu qurban verib.
Livanın "Hizbullah" təşkilatının lideri Seyid Həsən Nəsrullahın həyatında bəlkə də ən unudulmaz anlardan biri onun övladı Hadi ilə bağlıdır.
Belə ki, "Hizbullah"ın 1997 - ci il sentyabr ayında Cəbəl-ür-Rafi bölgəsində İsrail ordusunun mövqelərinə hücumları zamanı iki döyüşçüsü həlak olub və onların cəsədləri israillilərin əlinə keçib. Onların biri isə məhz Nəsrullahın böyük oğlu Hadi idi.
İsrailin yerli televiziyası iki əsgərin şəxsiyyətini tanımadan onların qanlı şəkillərini efirdə yayımladı. Yalnız bu kadrlardan sonra lider oğlunun isral gülləsinə tuş gəldiyini anlayıb.
Bu hadisə bütün müsəlman dünyasını lərzəyə gətirdi və Nəsrullahın adını daha da ucaltdı. Bəli, bu, bir ilk idi.
Livanda heç bir liderin övladı döyüş meydanında bu şəkildə həlak olmamışdı. Hadisədən sonra bütün din və məzhəblərdən olan Livan vətəndaşları bu hadisənin təsirindən çıxa bilmirdi. Livanını siyasi liderləri, o dövrdə Səudiyyə Ərəbistanının vəliəhdi Əmir Abdullah kimi dövlət adamları ilk dəfə "Hizbullah" liderinə başsağlığı məktubu göndərmişdi.
Yeni tarixin bu səhifəsi bəşəriyyətə növbəti insanlıq dərsi keçmiş oldu.
Rəşid Mustafazadə
Ölkə.Az