İlk insan fotosu necə çəkilib?

Müasir dövrdə şəkil çəkdirmədən səfərdə olan, gəzintiyə çıxan insanı tapmaq qeyri-mümkündür. Bəzi insanlar, demək olar, hər anlarını fotoaparat vasitəsilə tarixə həkk etməyə çalışırlar.

Maraqlıdır, görəsən, dünyanın ilk fotoqrafı hesab olunan Lui Jak Mande Daqer ilk insan fotosunu necə çəkib?

Ölkə.Az xəbər verir ki, Daqerin 1839-cu ilsə çəkdiyi şəkil ona çox çətinliklə başa gəlib. Daqerrotipiya texnikası hərəkətdə olan əşya və ya insanların fotolarını əldə etməyə imkan vermirdi. Buna baxmayaraq, Daqer təsadüfən də olsa bir insanı əbədiliyə qovuşdura bildi.

Belə ki, ilk fotoqraf "Dü Templ" bulvarını çəkəndə bir insanın fiquru kadra düşüb. Həmin kişi ayaqqabı təmizləyənin yanında olub və onun ayaqqabılarını təmizləməsini gözləyirmiş. Məhz buna görə o, uzun müddət hərəkətsiz halda olub və aparatın obyektivində uğurlu alınıb.

Rəşid Mustafazadə

Ölkə.Az