Müğənni haqda film rekord gəlir qazandırdı

Müğənni Emi Vaynhausa həsr olunmuş “Emi” sənədli filmi ilk həftədən rekord qırıb.

Karyerasının zirvəsindəki ölümü ilə 27-lər karvanına qoşulan müğənninin həyatına dair çəkilən “Emi” film onun son günlərindən bəhs edir. Yayıma başladığı ilk gündən maraqla izlənən sənədli film İngiltərə kinoteatrlarında 519 min avro gəlir əldə edib. Belə ki, bu nəticələrlə “Emi” İngiltərədə bu günə kimi yayımlanan sənədli filmlər içərisində ən çox gəlir əldə etdiyinə görə birinci, dünyada isə ikinci yerə yüksəlib.

Müğənninin ailəsi isə bu uğurdan heç də razı deyil. Belə ki, ailə qızlarının həyatından bəhs edən filmin doğruları əks etdirmədiyini bildirib. Atası Mitç Vaynhaus filmi izlədiyi zaman pis olduğunu deyib: “Qızımı tək qoyduğumu iddia edirlər, sənədli filmin vizyona girməsinə mane olmaq üçün hüquqi yollara müraciət edəcəm”.

Filmin rejissoru Asif Kapadia ailəyə cavab olaraq filmi çəkməzdən öncə müğənnini tanıyan 100 nəfərlə görüşdüyünü deyib.

Qeyd edək ki, filmin premyerası Kann kino festivalında ediləcək.qafqazinfo

Ölkə.Az