Merkel: “Xristian olmayan ölkələr Avropa İttifaqına qoşula bilər”

Almaniyada çox sayda müsəlman yaşayır.

Ölkə.Az xarici mətbuata istinadən xəbər verir ki, Albaniyanın baş naziri Edi Rama ilə görüşdən sonra mətbuat konfransında danışan Almaniya kansleri Angela Merkel Tiranın islahatlar barədə atdığı addımları müsbət qarşıladığını bildirib.

Albaniyanın xristian dövlət olmadığı üçün Aİ-na qatılmayacağı haqqında gəzən xəbərlərin doğru olmadığını qeyd edən Merkel, Almaniyada da çox sayda müsəlman yaşadığını qeyd edib. Albaniya baş naziri Merkelə təşəkkürünü bildirib.

"Merkel bizim dəyişmək üçün əlimizdən gələni etdiyimizi gördü. Aİ-na daxil olmaq üçün dəqiq vaxtın təyin edilməsini istəyəcəyik", - deyə Rama əlavə edib.

Albaniyanın prezidenti Bujar Nişani ilə də görüşən Merkel axşam saatlarında Serbiyaya yola düşüb.

Ölkə.Az