Netanyahu qorxuya düşdü: "İran 10-15 ilə nüvə silahı əldə edəcək"
Netanyahu narahatlığını ifadə edib.
Ölkə.Az "Haaretz"ə istinadən xəbər verir ki, ABŞ prezidenti Barak Obama ilə telefon danışığında İsrailin baş naziri Benyamin Netanyahu İranın nüvə proqramı üzrə razılaşmanın İsrail və bütün dünyanın təhlükəsizliyi üçün təhdid olduğunu bəyan edib.
Baş nazirin dəftərxanasından bildirilib ki, Netanyahu İranla anlaşmanın imzalanmasında iki əsas təhlükəni görür.
"Razılaşma İrana imzalanmadan sonra 10-15 il ərzində və ya daha tez müddətdə, ancaq qaydanı pozmaqla nüvə silahı əldə etməyə imkan verəcək. İkinci təhlükə isə İranın İsrail və dünya üçün təhdid olan terror və hərbi maşınını maliyyələşdirilməsidir", - deyə nazir düşünür.
Bu gün "altılıq" ölkələri ilə İran arasında nüvə proqramlarına dair razılaşma əldə edilib.
Razılaşmaya əsasən, Avropa İttifaqı İrana qarşı sanksiyaları sazişin imzalanmasından dərhal sonra ilin sonuna qədər donduracaq. Həmin müddət ərzində sanksiyaların tam ləğv edilməsi üçün qalan məsələlər razılaşdırılacaq.
Rəşid Mustafazadə
Ölkə.Az