Ekspert: "Gürcüstan öz keçmişindən nəticə çıxarıb NATO ilə sıx əməkdaşlıq edir"

NATO Rusiya sərhəddində təlimlər keçirəcək

Gürcüstan silahlı qüvvələrinin baş qərargah rəisi general-mayor Vaxtanq Kapanadze bildirib ki, NATO-nun ekspertləri ilə razılıq əldə olunub. Gürcüstan ərazisində hərbi təlimlər keçiriləcək.

NATO-nun Gürcüstan ərazisində hərbi təlim keçməsi heç şübhəsiz Rusiyanın ciddi narahatçılığına səbəb olacaq.

Bununla bağlı hərbi ekspert Üzeyir Cəfərov fikirlərini Ölkə.az-la bölüşüb.

Üzeyir Cəfərov: "Gürcüstanın yolu NATO-ya daxil olmaqdır. NATO-da Gürcüstanla Ukraynanı öz sıralarında görmək istəyir. Gürcüstan parlamenti də NATO-ya o səlahiyyəti verib ki, ərazisində hərbi təlimlər keçirsin. Gürcüstan öz keçmişindən nəticə çıxarıb NATO ilə sıx əməkdaşlıq edir, silahlı qüvvələrinin döyüş hazırlığını yüksəldir. Rusiya bu məsələlərdə Gürcüstana və NATO-ya heç bir şey deyə bilməz. Çünki, bu ikitərəfli münasibətlərdir və bunun Rusiyaya heç bir aidiyyatı yoxdur. Rusiyanın indiyə qədər Gürcüstanın başına gətirdiyi oyunların fonunda rəsmi Tiflis böyük səbr nümayiş etdirir. Rusiya doğurdan da özünü keçmiş SSRİ-nin varisi hesab etməklə yanaşı hegemonçuluqla məşğuldur. Hegemonçuluq da bəzi hallarda ölkələrin suverenliyinə və ərazi bütövlüyünə təhdid yaradır. Təbii bu xəbərdən sonra Rusiya həmişəki kimi bəyanatlar səsləndirəcək. Amma bu Gürcüstanın seçimidir və Rusiya bu seçimə hörmətlə yanaşmalıdır".

Səxavət Məmməd
Ölkə.az