Dünyanın ən yaşlı modeli gəncləri tənqid etdi

O, fit vücuda sahib olmasını sağlam qidalanma və gümrah həyat tərzi ilə əlaqələndirir.

Ölkə.Az xəbər verir ki, dünyanın ən yaşlı modeli olaraq tanınan 87 yaşlı ingilis Dafna Self gənc modelləri tənqid edib.

Bu aralar qızı ilə birlikdə model olmaq istəyənlər üçün onlayn dərsi verməyə hazırlaşan Self pəhriz saxlamaq və incə vücuda sahib olmaq üçün vaxtının olmadığını bildirib. “The Daily Mail Australia” qəzetinə açıqlama verən Self fit vücuda sahib olmasını sağlam qidalanma və gümrah həyat tərzi ilə əlaqələndirir. O, model olmaq üçün çox incə olmağa ehtiyac olmadığını bildirib.

Yaşlı model bəzi qadınların yaşlandıqca tərzə verdikləri önəmi itirərək, adi geyim geyindiklərini iddia edib və buna çox üzüldüyünü əlavə edib.

Qeyd edək ki, Self yerli yarışmalardan birində qalib olduqdan sonra 21 yaşında model dünyasında ilk addımını atıb.

Ölkə.Az