2 uşaq anası gündə 3 dəfə üzünü qırxır

“Qadın olaraq özümü sevmirəm və cəlbedici görmürəm”.

Ölkə.Az xəbər verir ki, İngiltərədə yaşayan və 12 yaşı olanda “Polikistik over” sindromu diaqnozu qoyulan Çerli Hou bu xəstəlik səbəbi ilə gün ərzində üç dəfə təraş olunur.

Qadında kişi hormonlarının çox olması səbəbi ilə yaranan “Polikistik over” sindromu ümumilikdə tükləşmə, kökəlmə, sızanaqların çıxması və bir çox problemlərin yaranmasına yol açır.

Çerli Hou isə bu xəstəliyi digər eyni tipli xəstələrdən daha fərqli yaşayır. Belə ki, Çerli gün ərzində üzünü üç dəfə təraş etmək məcburiyyətində qalır. İllərdir bu problemlə üz-üzə olan 2 uşaq anası qadın son dəfə lazer epilyasiyası etmək üçün ictimai təhlükəsizlik qurumuna müraciət edib.10 il bu epilyasiya üçün gözləyən qadın sonda rədd cavabı alıb və bu, qadını dərindən sarsıb.

“Sinə xərçəngi xəstəliyi səbəbi ilə sinəsi kəsilən bir qadın nə hiss edirsə mən də onu hiss edirəm. İşləmək üçün bir çox yerlərə müraciət etmişəm, amma müştərilərin məndən qorxması səbəbi ilə təkliflərim qəbul olunmayıb. Qadın olaraq özümü sevmirəm və cəlbedici görmürəm”, - deyə talehsiz qadın əlavə edib.

Ölkə.Az