Qəribə olay: İt sahibini güllələyib öldürdü

İndiyədək ancaq insanın heyvanı və yaxud insanı güllələməsi faktı ilə rast gəlmişdik, daha heyvanın insanı yox. ABŞ-nin Kanzas ştatında it 32 yaşlı sahibini güllələyərək öldürüb.

“Ölkə.Az” xəbər verir ki  bu barədə “BNO News” Sumner dairəsi polis şerifinin ofisinə istinadən məlumat yayıb.

Kanzas ştatında 32 yaşlı kişi itin səhvən pikapdan tüfənglə atəş açması nəticəsində ov zamanı ölüb. 

Hadisə şənbə günü Oklahoma ilə sərhəd yaxınlığında baş verib. Araşdırma zamanı məlum olub ki, həmin şəxs pikapın ön sərnişin oturacağında olub, arxa oturacaqda isə tüfəng və ov aləti olub.

İstintaq belə qənaətə gəlib ki, it avtomobil sahibinə məxsus tüfəngin tətiyini sıxıb. Kürəyindən güllə yarası alan şəxs hadisə yerində dünyasını dəyişib. Görülən reanimasiya tədbirləri nəticə verməyib.

Mürtəza
Ölkə.Az