Kərimovanın ABŞ hesablarına həbs qoyuldu

Kərimova barədə axtarış elan edilib

Ölkə.Az xəbər verir ki, ABŞ Özbəkistan prezidenti İslam Kərimovun qızı Gülnarə Kərimovanın Avropada ümumi dəyəri 1 milyard dollar olan aktivlərinin həbsi barədə qərar verib.

Buna səbəb Kərimovaya məxsus olan üç böyük telekommunikasiya şirkətində korrupsiyanın aşkar edilməsidir.

Sözügedən işlə əlaqədar genişmiqyaslı araşdırmalar aparılır və bu haqda istintaqın gedişi haqda məlumat verilmiş mənbələr, məhkəmə sənədlərinə istinadən "The Wall Street Journal" xəbər verib. Gülnarə Kərimova barədə axtarış elan edilib.

Xatırladaq ki, Gülnarə Kərimovanın barəsində bir neçə Avropa ölkəsində, o cümlədən ABŞ-da istintaq gedir. Özbəkistan prezidentinin qızı İsveçin telekommunikasiya şirkəti TeliaSonera-dan yüz milyonlarla dollar rüşvət almaqda şübhəli bilinir.

Gülnarə Kərimovaya məxsus bank hesablarına və mülklərə həbs qoyulub. Bir vaxtlar sosial şəbəkələrdən atasının hakimiyyətinə qarşı fəal çıxışlar edən Kərimova uzun müddətdir ev dustaqlığındadır və internetə giriş imkanı əlindən alındığından barəsində məlumat almaq mümkün deyil.

Rəşid Mustafazadə

Ölkə.Az