Deputatın ailəsi dağıntılar altında qaldı

Türkiyədə baş verən güclü zəlzələlərdən zərər çəkənlər arasında millət vəkilinin ailəsi də var.

Ölkə.Az Türkiyə mətbuatında  istinadən xəbər verir ki, Türkiyənin hakim Ədalət və İnkişaf Partiyasının (AKP) Hatayı təmsil edən deputatı Hüseyn Yaymanın ailəsi də dağıntılar altında qalıb.

Bu barədə deputat CNN Türkə danışıb.

"İki qardaşım, bacım və onların həyat yoldaşları, uşaqları dağıntıların altındadır", - deyə o söyləyib.

Qeyd edək ki, gecə saatlarında Türkiyənin Kahramanmaraş bölgəsində 7,4 bal, Qaziantep şəhərində isə 6,5-6,4 bal gücündə zəlzələ baş verib. Bir çox şəhərdə hiss edilən zəlzələlər nəticəsində azı 100 nəfər nəfər ölüb, 440 nəfərdən çox adam yaralanıb, binalara ciddi ziyan dəyib.

Billurə