Yaponiya Medvedevin Kurilə səfərindən narahatdır

Yaponiya hökuməti Rusiyanın baş naziri Dmitri Medvedevin Kurilə səyahətindən narahatdır.

Ölkə.az xəbər verir ki, bu haqda ölkənin aparıcı informasiya agentliyi məlumat verib.

Agentliyin məlumatına görə, Yaponiya hökumətinin baş katibi Yosixide Suqa bu haqda verdiyi mətbuat konfransında deyib.

"Əgər bu səfər baş tutacaqsa, o halda Yaponiyanın mövqeyi ilə üst-üstə düşməyəcək və yapon xalqının heysiyyatına toxunaraq onun qəlbini yaralayacaq. Biz bunu qəbul edə bilmərik", deyə Suqa bildirib.

Xatırladırıq ki, Kuril adaları 1945-ci il 1 sentyabr tarixində Yaponiyadan alınaraq SSRİ-nin tərkibinə qatılıb.

Ölkə.az