İŞİD Mosulda indiyədək 40 jurnalist öldürüb

İŞİD terror qruplaşması İraq şəhəri Mosulu nəzarətdə saxladığı müddətdə, ötən ilin iyunundan indiyədək bu şəhərdə ən azı, 40 jurnalisti öldürüb və ya işgəncə ilə qətlə yetirib. 

 

Bu barədə Azad Mətbuat uğrunda İraq təşkilatının bu gün açıqladığı bəyanatda deyilir.

 

İraqın ikinci şəhəri olan Mosulda jurnalistlər üzərində edamlar camaatın gözü qarşısında, şəhərin Bab ət-Tub rayonundakı ən böyük meydanlarından birində həyata keçirilir.

Siyahıda sonuncu belə jurnalist Yəhya əl-Xatib hesab olunur. Onu terrorçular öz evində 10 gün öncə tutmuşdular və bir həftə sonra həmin meydandaca, kütlənin gözü qabağında öldürüblər. (musavat)