Ərdoğanın gündəm olan görüntüləri - VİDEO

Türkiyə prezidenti Rəcəb Tayyib Ərdoğanın görüntüləri diqqət mərkəzinə düşüb.

Ölkə.Az xəbər verir ki, o, NATO-nun yeni Baş katibi seçilmək üçün favorit olan və Türkiyədən namizədliyini dəstəkləmək üçün Türkiyəyə gələn Hollandiyanın Baş naziri Mark Rutte ilə əl sıxmayıb.

Daha sonra M.Rutte özünü itirib və tələsik hərəkətlər etməyə başlayıb.

"Anadolu" agentliyinin məlumatına görə, Türkiyə NATO-nun yeni baş katibi postu üçün Rutteyə dəstək verəcəyini açıqlayıb.

Rutte keçən həftə İstanbulda prezident Rəcəb Tayyib Ərdoğanla görüşərək NATO Baş katibliyinə dəstək istəməsindən sonra Türkiyə bu gün Rutteni dəstəkləyəcəyini NATO üzvlərinə çatdırıb.

Prezident Ərdoğan aprelin 26-da Türkiyəyə səfər edən Hollandiyanın Baş naziri Rutte ilə Vahdettin Köşkündə təkbətək görüşüb.

Mark Rutte birgə mətbuat konfransında bildirib ki, NATO-nun cənub qanadının Türkiyə və Türkiyə liderliyinə ehtiyacı var.

Hollandiyanın Baş naziri Rutte, "Türkiyə həlledici rol oynayır. Bununla bərabər Qəzzadakı vəziyyəti həll etmək üçün səy göstərir. Eyni zamanda, Ukraynadakı bu dəhşətli müharibə ilə bağlı da səy göstərir. Bu baxımdan siz mühüm rol oynayırsınız”, - deyə o bildirib.

Həmin görüntüləri təqdim edirik: