Bu gün Bloq günüdür
Azərbaycanda minlərlə bloqlar aktiv olaraq yazılır
Ölkə.Az xəbər verir ki, bu gün internet məkanında Bloq günü qeyd olunur.
Bu günün məhz 31 avqusta təsadüf etməsi 2005-ci ildə "LiveJournal"ın aktiv istifadəçilərinin "blog" sözündə 3108 rəqəmlərini aşkar etməsi ilə bağlıdır.
Bloq fərdi jurnal olub, informasiyanı, fikirləri, şərhləri və müxtəlif tipli hiper əlaqələri özündə toplayan veb-saytdır. İngilis dilindəki "web" və "log" sözlərinin birləşməsindən alınan "weblog" sözlüyünün zamanla təhrif olunmuş formasıdır. Hazırda bloqlar ən güclü Veb 2.0 və yeni media alətlərindən biri hesab olunur. Bloqçu (blogger) – bloq yaradan insandır.
Hazırda Azərbaycanda minlərlə bloqlar aktiv olaraq yazılır və mütəmadi olaraq yenilənir.
Bloqçuluq Azərbaycanda sürətlə inkişaf etsə də, ATƏT və başqa təşkilatların hesabatlarında bloqçuluq və media ilə bağlı problemlərin qalması faktlarına ara-sıra rast gəlmək olur.
Ölkə.Az
