Lukaşenkonun çağırışına Qazaxıstandan \"zarafat\" reaksiyası

Belarus Prezidenti Aleksandr Lukaşenko Qazaxıstana və digər Avarasiya İqtisadi İttifaqına üzv  dövlətlərinin hamısına təklif edib ki, hamı nüvə silahına sahib ola bilər.

“Ölkə.Az” xəbər verir ki, o bunu Rusiyanın Birinci kanalına müsahibəsində deyib.

“Heç kim Qazaxıstanın və digər ölkələrin bizim Rusiya ilə olduğu kimi yaxın münasibətlərə malik olmasına qarşı deyil. Bu, çox sadədir. Belarusla Rusiya arasında ittifaqa girmək lazımdır, vəssalam, hamı üçün nüvə silahı olacaq”, Lukaşenko qeyd edib.

Qazaxıstanın bu məsələyə ehtiyatla yanaşması ilə bağlı mövqeyini şərh edən Lukaşenko bildirib ki, Qasım-Comərt Tokayevin bundan narahat olduğunu düşünmür: “Amma belədirsə, deməli, heç kim Qazaxıstan və digər ölkələrin bizim kimi Rusiya ilə yaxın münasibətlərimizin olmasının əleyhinə deyil”. 

Tokayev isə bunun qarşılığında deyib: “Mən onun zarafatını yüksək qiymətləndirdim. Hesab edirəm ki, buna ehtiyac yoxdur, çünki başqa inteqrasiya birlikləri, ilk növbədə Avrasiya İqtisadi İttifaqı var. Nüvə silahlarına gəlincə, onlara ehtiyacımız yoxdur, çünki biz Nüvə silahının yayılmaması haqqında Müqaviləyə və Nüvə silahının sınaqlarına qadağa qoyulmasına dair Müqaviləyə qoşulmuşuq. Biz bu beynəlxalq sənədlər üzrə öhdəliklərimizə sadiq qalırıq”.

Mürtəza
Ölkə.Az