Türkiyədə idmançıları daşıyan mikroavtobus qəzaya uğradı

Türkiyənin Bursa şəhərinin İnegöl rayonunda idmançıları daşıyan mikroavtobus yük maşını ilə toqquşaraq qəzaya uğrayıb.

Ölkə.Az “İHA”ya istinadla xəbər verir ki, qəzada məşqçi Abdülcelil Ər Bayram ölüb. 14 idmançı, 1 məşqçi və 1 sürücü olmaqla 16 nəfər yaralanıb.

Hadisə yerinə çoxlu sayda polis, xilasedicilər və təcili tibbi yardım briqadası göndərilib. 

Yaralılar sıxışdıqları mikroavtobusdan çıxarılaraq İnegöl Dövlət Xəstəxanasına aparılıb.

Qəza ilə bağlı araşdırmalar başlanıb.

Günay