Yaxın Şərqdə 13 milyon uşaq məktəbə gedə bilmir
BMT: Yaxın Şərqdə 13 milyondan çox uşaq təhsil almaq imkanından məhrumdur
Ölkə.Az xəbər verir ki, bu gün BMT Uşaq Fondunun buraxdığı hesabata əsasən, Yaxın Şərq və Şimali Afrika ölkələrində müharibə və silahlı münaqişələrə görə 13 milyondan çox uşaq təhsil ala bilmir.
"Bu uşaqlar məktəbə geri dönməsə, gələcək nəsillərə bəslənən ümidlər puç olacaq. Regionda təqribən 8500 məktəb müharibələrə görə fəaliyyətini dayandırıb, bəziləri dağıdılıb, bəziləri isə hərbi qərargah və bazalara çevrilib", - deyə sənəddə qeyd olunub.
Fəaliyyətdə olan təhsil müəssisələrinin müəllim və şagirdlərinə gəlincə, onlar cəbhə xəttində olduqları üçün normal təhsil prosesində iştirak edə bilmirlər.
Dinc ölkələrə qaçan miqrantların çoxu üçün uşaqların təhsili Suriya, İraq, Yəmən və Liviyanı tərk etmək üçün əsas səbəbdir.
Rəşid Mustafazadə
Ölkə.Az
