"Boko Haram"dan növbəti kütləvi qətl

26 nədər dinc sakin dünyasını dəyişib

Ölkə.Az xəbər verir ki, Nigeriyanın şimal-şərqində yerləşən iki kənddə "Boko Haram" terror təşkilatının üzvləri qətliam törədiblər.

Nəticədə minimum 26 nədər dinc sakin dünyasını dəyişib. Kolori kəndindən olan şahidin sözlərinə görə, o, ağacda gizlənərək baş verənləri izləyib. Yerli hökumətin məlumatına əsasən, ölənlərin sayı 26-dır.

Bir neçə gün öncə Nigeriyada "Boko Haram" terror qruplaşmasının yaraqlıları şimal-şərqdə Borno ştatında 56 kənd sakinini qətlə yetiriblər.

Bu barədə məlumat yerli hökumət dairələrindən verilib. Terrorçular ötən il yerli məktəbdən qaçırılmış 219 qızın valideynləri ilə görüşdə kəndlilərə hücum ediblər. Öldürülənlərin meyitləri küçənin ortasında qalıb.

Bu ilin mart ayından etibarən "Boko Haram"çılar 1000-dən çox adamı qətlə yetiriblər. Ümumilikdə isə 6 il ərzində 20 mindən çox dinc sakini öldürüblər.

Qeyd edək ki, Boko Haram ( Camaat’u Əhlus-Sünnə lid-Da’va vəl Cihad) Nigeriyanın radikal islam sektasıdır. O, 2002-ci ildə Nigeriyanın şimalında Məhəmməd Yusif adlı şəxs tərəfindən yaradılıb. Təşkilatın əsas məqsədi bütün Nigeriya ərazisində şəriətin tətbiqi və Qərb həyat tərzinin silinməsidir. 2014-cü ilin may ayında BMT Təhlükəsizlik Şurası tərəfindən terror təşkilatları siyahısına salınıb.

Rəşid Mustafazadə

Ölkə.Az