Zelenski Trampın növbəti dəfə prezident olmasından qorxur

Ukrayna lideri Volodimir Zelenski  ABŞ-da 2024-cü ildə keçiriləcək prezident seçkilərindən narahatdır.

Ölkə.Az "Wall Street Journal"a istinadla xəbər verir ki, Zelenski Co Bayden administrasiyasında dəyişiklik ehtimalının onu qorxutduğunu bildirib.

Zelenski keçmişdə keçmiş prezident Donald Trampın onu Bayden qədər dəstəkləmədiyini desə də, işğalın o zaman başlamadığını vurğulayıb.

Ukrayna lideri söyləyib ki, bugünkü şəraitdə Trampın mövqeyinin necə olacağını bilmir.

Bayden administrasiyasının işğal başlayandan bəri Ukraynaya 37 milyard dollar hərbi yardım ayırdığını xatırladan Zelenski Vaşinqtonda administrasiya dəyişikliyinin hərbi yardıma təsirindən narahatlığını ifadə edib.

Zelenski Trampın “Müharibəni 24 saat ərzində bitirə bilərəm” sözlərinə də reaksiya verib:

"Düzünü desəm, hamı kimi siz də yaxşılığa doğru dəyişiklik istəyirsiniz. Amma əks istiqamətdə də ola bilər. Əmin deyiləm ki, o (Tramp) vəzifədə olarkən müharibə başlasaydı, mövqeyi necə olardı”.

Billurə