Ərdoğan-Stoltenberq görüşü zamanı İsveçdə qalmaqallı görüntülər - FOTO

İsveçdə terror təşkilatı PKK/YPG tərəfdarları Prezident Rəcəb Tayyib Ərdoğanı və İsveçin NATO üzvlüyünü hədəf alan nümayiş keçirib.

Ölkə.Az “Haber7.com”a istinadla xəbər verir ki, Ərdoğan NATO-nun baş katibi Yens Stoltenberqi Dolmabahçe iş ofisində qəbul edib.

Görüşdə regionda baş verən hadisələrlə yanaşı, İsveçin NATO-ya üzvlüyü məsələsi də müzakirə olunub.

İsveçin paytaxtı Stokholmda Norra Bantorget meydanına toplaşan terror təşkilatı PKK/YPG tərəfdarları İsveçdə iyunun 1-dən qüvvəyə minən yeni terror qanununun ləğvini tələb ediblər.

Qanunun Ərdoğana məxsus olduğunu və İsveç parlamentinin Ərdoğana boyun əydiyini iddia edən terror tərəfdarları İsveç hökumətini istefaya çağırıb.

Əllərində terror təşkilatı PKK/YPG-ni simvolizə edən parçalar daşıyan və təşkilatın lideri Abdullah Öcalanın plakatını açan terror təşkilatı tərəfdarları saatlarla Prezident Ərdoğana qarşı şüarlar səsləndiriblər.

Günay