İlk dəfə iqtidar nümayəndəsi Putini tənqid etdi: \"Uşaq deyilik, mənası yoxdur\" 

Ukrayna müharibəsinin davam etdiyi 1 ildən çox müddətdə Rusiya Prezidenti Vladimir Putinin ilk dəfə  iqtidar nümayəndəsi tərəfindən tənqid edilib.

Ölkə.Az Rusiya mətbuatına istinalda xəbər verir ki, Putini tənqid edən şəxs Rusiya Dövlət Dumasının “Vahid Rusiya” fraksiyasından olan deputatı Konstantin Zatulin olub. O  deyib ki, Putinin Ukraynaya hərbi müdaxiləyə başlayarkən bəyan etdiyi məqsədlərin heç biri indiyədək yerinə yetirilməyib.

Zatulin onu da qeyd edib ki, müharibənin hazırkı məqamında Rusiyanın özü üçün yeni risklər var:

“Prezident Putin Ukrayna əməliyyatına başlayarkən Ukraynanın nasistlərdən təmizlənməsini, Ukraynanın tərksilah edilməsini, Ukraynanın neytrallığını və Donbas bölgəsində yaşayan rus əhalisinin təhlükəsizliyini hədəfləyib.

Bu bəndlərdən hansı ilə bağlı bu günə qədər nəticə əldə etmişik? Yox. Üstəlik, bəzilərinin heç bir mənası yoxdur".

Rus deputatın sözlərinə görə, hazırkı proses qardaş hesab edilən rus və ukrayna xalqlarını düşmən etməyə xidmət edir.

"Mən indi dedim ki, “xüsusi hərbi əməliyyat” və həqiqətən də müharibənin məqsədlərinə nail olunmayıb. Niyə? Bunu izləmək, bu məqsədlərə çatmaq üçün nə etmək lazım olduğunu söyləmək üçün. Açıq şəkildə bildirdim ki, eyni gəmidə olan hər birimiz buna nail olmaq üçün səy göstərməliyik. Məncə, susmaq zərərlidir. Biz uşaq deyilik”, - deyə o bildirib.

Billurə