İsveçdən Türkiyə ilə bağlı kritik qərar - ilk olacaq

İsveç Ali Məhkəməsi ilk dəfə olaraq “PKK tərəfdarı” olduğu iddia edilən şəxsin Türkiyəyə ekstradisiyasına icazə verib.

Ölkə.Az “euronews”a istinadla xəbər verir ki, bu qərarla İsveç hökuməti Türkiyəni NATO mövzusunda inandırmağa çalışır.

İsveç vasitəsilə Türkiyəyə təhvil veriləcək ilk “PKK dəstəkçisi” olacaq bu şəxsin təhvil verilib-verilməməsi ilə bağlı son qərarı İsveç hökuməti verəcək.

Ekstradisiyasına qərar verilən 35 yaşlı şəxs 2014-cü ildə içində marixuana olan çanta gəzdirmək ittihamı ilə Türkiyədə 4 ildən çox həbs cəzasına məhkum edilib.

Sözügedən şəxs şərti azadlığa buraxıldıqdan sonra İsveçə gedib, lakin Türkiyə prokurorluğunun tələbi ilə avqust ayında həmin ölkədə həbs edilib.

Bu tənzimləmə Türkiyənin NATO vetosunun ləğvi üçün irəli sürdüyü şərtlərdən biridir.

İyulun 11-də Vilnüsdə keçiriləcək NATO Sammitindən əvvəl Ankaranın İsveçin tamhüquqlu üzvlüyünü təsdiq edəcəyi şərh edilir.

Günay