AB Kanadaya yanğınların söndürülməsi üçün dəstək göndərir

Kanada hökuməti ölkənin cənubunda başlayan və nəzarət altına alına bilməyən meşə yanğınları üçün Avropa Birliyi Mülki Müdafiə Mexanizmi çərçivəsində kömək istəyib.

Ölkə.Az xarici KİV-ə istinadla xəbər verir ki, Kanadanın yardım çağırışına cavab verən Avropa Komissiyasının sədri Ursula fon der Leyen mexanizm çərçivəsində Fransa, Portuqaliya və İspaniyadan 280 yanğınsöndürən göndəriləcəyini açıqlayıb.

Qeyd edək ki, Avropa İttifaqının Humanitar Yardım Ofisi maydan etibarən Kanadada təxminən 4,1 milyon hektar ərazini yandığını açıqlayıb.

Kanadada 20 mindən çox insan yanğınlara görə təxliyə edilib. Bu meşə yanğınlarının tüstüsü ABŞ-ın şəhərlərinə də yayılaraq, orta səviyyədən 10 dəfə çox karbon qazı buraxır.

Billurə