Pakistandan Türkmənistana enerji təklifi

Pakistan Türkmənistanın zəngin enerji resurslarına sürətli çıxışı üçün qapı ola bilər.

Ölkə.Az “Haber7com”a istinadla xəbər verir ki, bu sözləri Pakistanın baş naziri Şahbaz Şərif deyib.

Türkmənistanın energetika nazirinin müavini Annageldi Saparovun başçılıq etdiyi nümayəndə heyəti paytaxt İslamabadda Şərif tərəfindən qəbul edilib.

Şərif Türkmənistan-Əfqanıstan-Pakistan-Hindistan (TAPI) Təbii Qaz Boru Kəməri Layihəsinin iki ölkə arasında enerji sektorundakı strateji əlaqələrin təzahürü olduğunu bildirib.

Həmçinin o, TAPI-nın bütün regiona və Pakistana iqtisadi artım və rifah gətirəcəyinə işarə edərək, bu layihənin Pakistanın enerji təhlükəsizliyini təmin etmək baxımından əhəmiyyətli olduğuna diqqət çəkib.

Günay