Hakan Fidan bu gizli danışıqlarda olub - Alman nəşri

“Türkiyə kəşfiyyatının başında 13 il rəhbər olduqdan sonra heç kim Fidan qədər sirr bilmir".

Ölkə.Az xəbər verir ki, Almaniyanın RND xəbər saytı Türkiyənin yeni xarici işlər naziri Hakan Fidan haqqında belə yazıb.

Nəşr qeyd edib ki, bu onu Türkiyənin ən güclü adamlarından biri edir.

"O, uzun illər bütün mühüm xarici siyasət qərarlarında “kölgə xarici işlər naziri” kimi iştirak edib. Fidan Türkiyəni İsrail və Misirlə yaxınlaşdırmaq üçün gizli danışıqlar aparıb, Rusiya-Ukrayna müharibəsində vasitəçilik etmək üçün Kiyev və Moskva ilə sıx əlaqə saxlayıb”, - deyə məqalədə bildirilib.