Tusk Türkiyəyə səfər edəcək

Onun düşərgələrdən birini ziyarət etməsi planlaşdırılır

Ölkə.Az xəbər verir ki, Avropa Şurasının sədri Donald Tusk 9-10 sentyabrda Türkiyəyə səfər edəcək.

AŞ-dan yayılan məlumatlara əsasən, Tusk iki gün ərzində Türkiyədə bir sıra görüşlər keçirəcək. Sentyabrın 9-u onu Türkiyə prezidenti Rəcəb Tayyib Ərdoğan, 10-u isə baş nazir Əhməd Davudoğlu qəbul edəcək. Bundan əlavə, Tuskun qaçqınlar üçün nəzərdə tutulmuş düşərgələrdən birini ziyarət etməsi planlaşdırılır.

"Anadolu" agentliyi yazır ki, ötən həftə Brüsseldə səfirlərin konfransında çıxış edən Tusk AŞ ilə Türkiyə arasında qaçqınlarla bağlı danışıqların aparılmasının lazım olduğunu deyib.

Rəşid Mustafazadə

Ölkə.Az