Macarıstan Serbiya ilə sərhədini bağladı
Macarıstan hökuməti Serbiya ilə sərhədini bağlayıb.
Ölkə.az xəbər verir ki, rəsmi Budapeşt Yaxın Şərqdən Avropaya axışan qaçqınların əsas marşrut dəhlizi olan "Xorqoş 2" sərhəd-keçid məntəqəsinin bağlanması haqda qərar qəbul edib. Bundan başqa macar polisi dəmir yolunu da bağlayıb.
Məlumata görə, yaxın zamanlarda bu marşrut üzrə onminlərlə Suriyalı, əfqan, iraqlı və Afrika ölkələrinin vətəndaşlarının Avropaya kütləvi axın edəcəkləri gözlənilir. Macarıstan bu axının qarşısını almaq üçün Serbiya ilə sərhədə əlavə polis və ordu birlikləri göndərir.
Ölkə.az
