"Putinin NATO-su" Tacikistanda sessiyaya başladı

10-dan çox məsələ yer alıb

Ölkə.Az xəbər verir ki, Tacikistanın paytaxtı Düşənbədə Kollektiv Təhlükəsizlik Müqaviləsi Təşkilatının Kollektiv təhlükəsizlik şurasının sessiyası start götürüb.

İclasın gündəliyində 10-dan çox məsələ yer alıb.

Tacikistana təşkilatın 5 üzv dövlətinin başçıları səfər edib: Belarus prezidenti Aleksandr Lukaşanko, Ermənistan prezidenti Serj Sarkisyan, Qazaxıstan prezidenti Nursulnat Nazarbayev, Qırğızıstan prezidenti Almazbəy Atambayev və Rusiya lideri Vladimir Putin.

"Millətlər sarayında" keçiriləcək sessiyanın işinə Tacikistan dövlət başçısı Emoməli Rəhmon başlayacaq.

Qeyd edək ki, Kollektiv Təhlükəsizlik barədə Müqavilə Təşkilatı (KTMT) bir neçə Avrasiya dövləti tərəfindən 1992-ci il may ayının 15-də imzalanmış Kollektiv Təhlükəsizlik Müqaviləsi əsasında yaradılmış hərbi-siyasi ittifaqdır.

Təşkilatın əsasını Rusiya prezidenti Vladimir Putinin dəstəyi ilə yaradılmış Avrasiya İqtisadi İttifaqına daxil olan ölkələr təşkil edir. KTMT-ni çox zaman "Putin NATO-su" da adlandırırlar.

Rəşid Mustafazadə

Ölkə.Az