Gürcüstan buna görə NATO-ya daxil olmağa tələsir

Rusiyanın fəaliyyəti və Ukraynadakı vəziyyətə görə Gürcüstan tezliklə NATO-ya daxil olacağına ümid edir".

Ölkə.Az xəbər verir ki, bu fikirləri Gürcüstanın müdafiə naziri Tinatin Xidaşeli Londonda çıxış edərkən səsləndirib.

"Biz NATO-dan Varşavada baş tutacaq sammitinin proqramına Gürcüstan məsələsini də daxil etməyi xahiş edirik. Biz Çernoqoriya ilə eyni qrupda olmaq istəyirik. Biz üzvlüyə ümid edirik və Rusiyaya görə buna nail olmaq istəyirik. Hazırda biz Ukraynada baş verənləri görürük və Moldovada da nələrin baş verəcəyini anlayırıq. Gürcüstan növbəti hədəf olacaq", - deyə Xidaşeli bildirib.

O qeyd edib ki, NATO-nun üzv ölkələrinə xatırlatma etmək üçün Avropa ölkələrinə səfərlər edib.

Xatırladaq ki, NATO-ya daxil olmağa tələsən ölkələr sırasında Gürcüstan tək deyil. Belə ki, ABŞ Çernoqoriya rəhbərliyinin islahatlar kursunu davam etdirəcəyi halda ölkənin NATO-ya daxil olmasını dəstəkləməyə hazır olduğunu bəyan edib.

Çernoqoriya alyansa üzv olmaqla bağlı dəvəti dekabr ayında NATO-ya daxil olan ölkələrin xarici işlər nazirlətinin görüşündə alacaq.

Bir il öncə alyans NATO-ya üzvlüklə bağlı Çernoqoriya ilə intensiv danışıqlara başlamağı qərara almış, ancaq dəvət haqqında qərar 2015-ci ilin sonuna qədər təxirə salınmışdı.

Rəşid Mustafazadə

Ölkə.Az