Fransada dövlət məktəblərində müsəlman qızlardan sonra oğlanlara da qadağalar qoyuldu
Fransada dövlət məktəblərində müsəlman qızlardan sonra oğlanlar üçün də yeni qərar verilib.
Ölkə.Az “HaberGlobal”a istinadla xəbər verir ki, oğlanlara qəba geyinmək qadağan edilib.
Belə ki, qərar sentyabrın 4-də başlayacaq yeni akademik dövrdən etibarən həyata keçiriləcək.
Fransanın təhsil naziri Qabriel Attal bildirib ki, çarşab və qəba geyinmiş gənclər və onların ailələri ilə fikir mübadiləsi aparmaq, söhbət etmək lazımdır.
“Bəzi qız tələbələrin bu qaydaya əməl etmələri bir neçə gün çəkə bilər. Çarşab geyinən qız tələbələr məktəbə daxil ola bilər. Lakin dərslərə girə bilməyəcəklər”, - deyə o əlavə edib.
Xatırladaq ki, Fransada 2004-cü ildə məktəblərdə hicabdan, 2010-cu ildə isə ictimai yerlərdə niqabdan istifadəni qadağan edilib.
Günay
