Dünyaca məşhur avtomobil nəhənginin zavodunda istehsal dayandı

Alman avtomobil istehsalçısı “Volkswagen”in kompüter sistemində böyük nasazlıq yaranıb.

Ölkə.Az xarici KİV-ə istinadla xəbər verir ki, bu səbəbdən şirkət bir çox zavodlarda istehsalı dayandırmalı olub.

Belə ki, “Volkswagen”in Volfsburqdakı baş ofisində kompüter sistemi şəbəkəsində nasazlıq aşkar edilib. 

Dünən günorta saatlarından etibarən şəbəkə kəsilməsi ilə şirkətin Almaniyadakı 4 fabrikində istehsal dayandırılıb.

Şirkət sözçüsü sözügedən sistem nasazlığından “Volkswagen” Qrupunun “Porsche” və “Audi” markalarının da təsirləndiyini bildirib.

Mətbuat katibi kiberhücum ehtimalını da istisna edib.

Nasazlığın təkcə Almaniya ilə məhdudlaşmadığı, “Volkswagen”in digər ölkələrdəki fabriklərinin də təsirləndiyi bildirilib.

Günay