Tsipras koalisiya hökuməti qurur

O, yunanlara təşəkkür edib

Ölkə.Az xəbər verir ki, radikal sol koalisiya qüvvələrinin SİRİZA partiyasının lideri Aleksis Tsipras "Müstəqil yunanlar"la (ANEL) koalisiya hökuməti yaratmağa hazır olduğunu bəyan edib.

O, etimad göstərilməsi və daha 4 illik mandatin verilməsinə görə yunan xalqına təşəkkürünü bildirib.

"Mənə korrupsiyanın kökünü kəsmək üçün mandat verən yunan xalqına təşəkkür edirəm. Mən "Müstəqil yunanlar"a (ANEL) və Panos Kammenosa minnətdarlığımı bildirirəm. Biz səylərimizi birləşdirəcəyik. Böhrandan çıxış möcüzə yolu ilə gəlməsə də, bizim plan üzrə gələ bilər", - deyə Tsipras qeyd edib.

Xatırladaq ki, SİRİZA partiyası bülletenlərin 97,45%-nin hesablanmasından sonra səslərin 35,47%-ni yığıb.

Rəşid Mustafazadə

Ölkə.Az