ABŞ-də yüzlərlə tələbə saxlanılıb - QALMAQAL

ABŞ-də ən azı 16 ştatda Fələstinə dəstək nümayişlərində iştirak edən yüzlərlə tələbə saxlanılıb. 

Ölkə.Az xəbər verir ki, bu barədə CNN məlumat yayıb.

Tələbələr universitet rəhbərliyinin onları xaric edəcəyi barədə təhdidlərinə baxmayaraq, 20-dən çox universitet şəhərciyində Fələstinə dəstək aksiyalarını davam etdirirlər.

"Associated Press"in məlumatına görə, ABŞ polisi Amerika universitetlərinin ərazisində Fələstinə dəstək aksiyalarında  900-dən çox adamı həbs edib. Amerika şəhərciklərində kütləvi etirazlar dinc oturaq aksiyalar olsa da, polis və İsrailyönlü fəallarla toqquşmalar da müşahidə edilməkdədir.

Beynəlxalq insan haqları təşkilatı "Human Rights Watch" universitet rəsmilərinin Fələstinə dəstək məqsədilə keçirilən tələbə nümayişlərinə reaksiyasının çox sərt olduğunu və iştirakçıları dinc etiraz hüququndan məhrum etdiyini bildirib.

Mürtəza
Ölkə.Az