İtaliyalı ekspertdən ermənilərə şillə kimi cavab: Siz deyildiniz...?!
İtaliyalı hərbi ekspert Tomas Teyner Birləşmiş Millətlər Təşkilatının (BMT) missiyasının Qarabağa gəlməsi ilə bağlı ermənilərin paylaşımlarına münasibət bildirib.
Ölkə.Az xəbər verir ki, ekspert bu barədə tviterdə yazıb:
“Tviterdə çox sayda erməninin BMT-nin Qarabağa yalnız bütün ermənilər getdikdən sonra gəlməsindən şikayət etdiklərini görürəm. Nədən şikayət edirsiniz? 30 ildir BMT-nin Qarabağa girişini rədd edən Qarabağ erməniləri idi”, - deyə ekspert qeyd edib.
Qeyd edəki, BMT-nin missiyası ötən gün Qarabağa gəlib. Missiyanın məqsədi yerdə vəziyyətlə tanış olmaq, sakinlərin humanitar ehtiyaclarını müəyyənləşdirməkdir.
Missiyanın tərkibinə BMT-nin müxtəlif qurumlarının nümayəndələri daxildir.
BMT missiyası Qarabağda sonuncu dəfə təxminən 30 il əvvəl olub.
Billurə Yunus